മ​റി​യം ത്രേ​സ്യ അ​നു​ഭ​വി​ച്ച സ്വാ​ത​ന്ത്ര്യം::Syro Malabar News Updates മ​റി​യം ത്രേ​സ്യ അ​നു​ഭ​വി​ച്ച സ്വാ​ത​ന്ത്ര്യം
03-October,2019

മ​​നു​​ഷ്യ​​ൻ ഏ​​റ്റ​​വും വി​​ല​​മ​​തി​​ക്കു​​ന്ന ഒന്നാണു സ്വാ​​ത​​ന്ത്ര്യം. ഒ​​രു കൊ​​ച്ചു​കു​​ഞ്ഞ് ജ​​നി​​ച്ചു​വീ​​ഴു​​ന്പോ​​ൾ മു​​ത​​ൽ വ​​ള​​ർ​​ച്ച​​യോ​​ടൊ​​പ്പം സ്വാ​​ത​​ന്ത്ര്യ​​ത്തി​​നു​വേ​​ണ്ടി​​യു​​ള​​ള അ​​വ​​ന്‍റെ ദാ​​ഹ​ തീ​​ക്ഷ്ണ​​ത​​യും ഏ​​റി​വ​​രു​​ന്നു. സ്നേ​​ഹ​​വും ബ​​ഹു​​മാ​​ന​​വും ഉ​ള്ളി​ട​​ത്തു സ്വാ​​ത​​ന്ത്ര്യം കൂ​​ടു​​ത​​ൽ പ്ര​​ക​​ട​​മാ​​കു​​ന്നു; അ​​ല്ലാ​​ത്തി​​ട​​ത്ത് അ​​ക​​ൽ​​ച്ച​​യും അ​​സ​​മാ​​ധാ​​ന​​വും.
 
യ​​ഥാ​​ർ​ഥ ​സ്വാ​​ത​​ന്ത്ര്യം എ​​ക്കാ​​ല​​വും നി​​ർ​​ലോ​​ഭം അ​​നു​​ഭ​​വി​​ച്ച വ്യ​​ക്തി​​യാ​​ണു വി​ശു​ദ്ധ ​മ​​റി​​യം ത്രേ​​സ്യ. ദൈ​​വം സ്വ​​ന്തം പി​​താ​​വെ​​ന്ന് അ​​ടി​​യു​​റ​​ച്ചു വി​​ശ്വ​​സി​​ച്ച മ​​റി​​യം ത്രേ​​സ്യ, ആ ​​പി​​താ​​വി​​നെ ചേ​ർ​ത്തു​പി​ടി​ച്ചു ജീ​​വി​​ച്ച​​പ്പോ​​ൾ അ​​നു​​ഭ​​വി​​ച്ച സ്വാ​​ത​​ന്ത്ര്യം ദൈ​​വ​​മ​​ക്ക​​ളു​​ടെ സ്വാ​​ത​​ന്ത്ര്യ​​മാ​​യി​​രു​​ന്നു. സ്ത്രീ​​ക​​ൾ​​ക്കു വീ​​ടി​​നു പു​​റ​​ത്തി​​റ​​ങ്ങാ​നോ ഉ​​ച്ച​​ത്തി​​ൽ സം​​സാ​​രി​​ക്കാ​​നോ വി​​ദ്യ അ​​ഭ്യ​​സി​​ക്കാ​​നോ സ്വാ​​ത​​ന്ത്ര്യം ഇ​​ല്ലാ​​തി​​രു​​ന്ന കാ​​ല​​ത്ത് (1876-1926) വീ​​ടു​​ക​​ൾ തോ​​റും ക​​യ​​റി​​യി​​റ​​ങ്ങി സ​​മാ​​ധാ​​ന​​വും സ​​ന്തോ​​ഷ​​വും പ​​ക​​ർ​​ന്നു​കൊ​​ടു​​ക്കു​​ക​​യും വി​​ദ്യാ​​ല​​യ​​ങ്ങ​​ൾ സ്ഥാ​​പി​​ച്ചു കു​​ട്ടി​​ക​​ളെ പ്ര​​ബു​​ദ്ധ​​രാ​​ക്കു​​ക​​യും ദു​​ർ​​മാ​​ർ​​ഗ​ത്തി​​ൽ ച​​രി​​ച്ചി​​രു​​ന്ന​​വ​​രെ നേ​​ർ​​വ​​ഴി​​ക്കു തി​​രി​​ക്കു​​ക​​യും അ​​ന്ധ​​വി​​ശ്വാ​​സ​​ത്തി​​ൽ ക​​ഴി​​ഞ്ഞ​​വ​​രെ ദൈ​​വ​​വി​​ശ്വാ​​സ​​ത്തി​​ലേ​​ക്കും ദൈ​​വ​​സ്നേ​​ഹ​​ത്തി​​ലേ​​ക്കും ന​​യി​​ക്കു​​ക​​യും ചെ​​യ്യാ​​ൻ മ​​റി​​യം ത്രേ​​സ്യ​​യ്ക്കു സാ​​ധി​​ച്ചു.
 
ദൈ​​വ​​ത്തെ സ്നേ​​ഹി​​ക്കാ​​ൻ ന​​ന്നേ ചെ​​റു​​പ്പം മു​​ത​​ൽ ക്ലേ​​ശി​​ച്ചി​​രു​​ന്ന മ​​റി​​യം ത്രേ​​സ്യ, സ​​ഹോ​​ദ​​ര​​ങ്ങ​​ളി​​ൽ ദൈ​​വ​​ത്തെ ക​​ണ്ടു, സ്നേ​​ഹ​​ശു​​ശ്രൂ​​ഷ ചെ​​യ്തു. കു​​ടി​​ലി​​ലെ തൈ​​രി മു​​ത​​ൽ കൊ​​ച്ചി​ മ​​ഹാ​​രാ​​ജാ​​വ് വ​​രെ അ​​വ​​ളു​​ടെ ശു​​ശ്രൂ​​ഷ​​യു​​ടെ ക​​ര​​ങ്ങ​​ൾ നീ​​ണ്ടു.
 
രാ​​ത്രി​​യും പ​​ക​​ലും അ​​മ്മ​​യ്ക്കു പ്ര​​വ​​ർ​​ത്ത​​ന സ​​മ​​യ​​മാ​​യി​​രു​​ന്നു. കാ​രു​ണ്യം ചൊ​രി​യാ​ൻ സ​​ന്യാ​​സ​​ത്തി​​ന്‍റെ മ​​തി​​ൽ​​ക്കെ​​ട്ടു​​ക​​ളോ വി​​ശു​​ദ്ധ​ വ​​സ്ത്ര​​മോ നി​​യ​​മ​​ങ്ങ​​ളോ സ​​ഭാ​​ധി​​കാ​​രി​​ക​​ളോ ചു​​റ്റു​​മു​​ള്ള ജ​​ന​​ങ്ങ​​ളോ ആ ​​വി​​ശു​​ദ്ധ​​യ്ക്ക് ഒ​​രു വി​​ല​​ങ്ങാ​​യി​​രു​​ന്നി​​ല്ല; മ​​റി​​ച്ച്, സ്വാ​​ത​​ന്ത്ര്യ​​ത്തി​​ലേ​​ക്കു പ​​റ​​ക്കാ​​നും ഉൗ​​ളി​​യി​​ട്ടി​​റ​​ങ്ങാ​നും അ​​വ​​ളു​​ടെ ചി​​റ​​കു​​ക​​ൾ​​ക്കു ബ​​ലം പ​​ക​​രു​​ന്ന​​വ​​യാ​​യി​​രു​​ന്നു.
 
സ​​ന്യാ​​സ വ​​സ്ത്ര​​വും നി​​യ​​മ​​ങ്ങ​​ളും അ​​ധി​​കാ​​രി​​ക​​ളും ഒ​​ക്കെ ഇ​​ന്നു സ്വ​​ത​​ന്ത്ര​​പൂ​​ർ​​ണ​മാ​​യ ജീ​​വി​​ത​​ത്തി​​നു ത​​ട​​സം എ​​ന്നു തോ​​ന്നു​​ന്ന​​വ​​ർ​​ക്ക്, ധൈ​​ര്യ​​മാ​​യി മ​​റി​​യം ത്രേ​​സ്യ​​യു​​ടെ ജീ​​വി​​തം ക​​ണ്ടു പ​​ഠി​​ക്കാം. ദൈ​​വ​​ത്തി​​നു സ്വ​​മ​​ന​​സാ സ​​ന്പൂ​​ർ​​ണ സ​​മ​​ർ​​പ്പ​​ണം ചെ​​യ്ത മ​​റി​​യം ത്രേ​​സ്യ​​യ്ക്കു ദൈ​​വ​​ഹി​​തം തി​​രി​​ച്ച​​റി​യാ​നും അ​​തു നി​​റ​​വേ​​റ്റി ജീ​​വി​ക്കാ​​നും സ​​ദാ സ്വാ​​ത​​ന്ത്ര്യം ഉ​​ണ്ടാ​​യി​​രു​​ന്നു. ന​​മ്മു​​ടെ മ​​നഃ​​സാ​​ക്ഷി​​യും നി​​യോ​​ഗ​​ങ്ങ​​ളും ശു​​ദ്ധ​​മെ​​ങ്കി​​ൽ ദൈ​​വം ന​​മ്മു​​ടെ പ​​ക്ഷ​​ത്തു​​ണ്ടാ​​കും. ദൈ​​വം ന​​മ്മു​​ടെ കൂ​​ടെ​​യെ​​ങ്കി​​ൽ ആ​​രു ന​​മു​​ക്ക് എ​​തി​​രു നി​​ൽ​​ക്കും?
 
ദൈ​​വ​​ത്തെ സ്നേ​​ഹി​​ച്ചു ജീ​​വി​​ക്കു​​ന്ന​​വ​​ർ​​ക്ക് എ​​ല്ലാം ന​ന്മ​​യ്ക്കാ​​യി പ​​രി​​ണ​​മി​​ക്കും. ഈ​ലോ​​ക​ ബ​​ഹു​​മാ​​നം തെ​​ല്ലും ആ​​ഗ്ര​​ഹി​​ക്കാ​​തെ പ​​ര​​ലോ​​ക​ ബ​​ഹു​​മാ​​നം മാ​​ത്രം തേ​​ടി ജീ​​വി​​ച്ച മ​​റി​​യം ത്രേ​​സ്യ​യ്​​ക്ക് ഇ​​ന്നു പ​​ര​​ലോ​​ക​ ബ​​ഹു​​മാ​​ന​​ത്തോ​​ടൊ​​പ്പം ഏ​​റ്റ​​വും ഉ​​ന്ന​​ത​​മാ​​യ ലോ​​ക​​ബ​​ഹു​​മാ​​ന​​വും ദൈ​​വം സ​​മ്മാ​​നി​​ച്ചി​​രി​​ക്കു​​ന്നു!
 
സി​സ്റ്റ​ർ ഡോ.​​ആ​​നി കു​​ര്യാ​​ക്കോ​​സ് സി​എ​​ച്ച്എ​​ഫ്

Source: deepika.com

Attachments




Back to Top

Never miss an update from Syro-Malabar Church