Latest News

വിശ്വാസി കാരുണ്യത്തിന്‍റെ മാർഗം പിന്തുടരണം: മാർ പുത്തൻവീട്ടിൽ

കൊച്ചി: അനുദിനം കാരുണ്യത്തിന്‍റെ മാർഗം പിന്തുടരേണ്ടവരാണു വിശ്വാസികളെന്നു എറണാകുളം-അങ്കമാലി അതിരൂപത സഹായമെത്രാൻ മാർ ജോസ് പുത്തൻവീട്ടിൽ. പാലാരിവട്ടം പിഒസിയിൽ ആറു മാസത്തെ മിഷൻ പരിശീലനം (കാരുണ്യത്തിന്‍റെ സാക്ഷികൾ) ഉദ്ഘാടനം ചെയ്യുകയായിരുന്നു അദ്ദേഹം. അയയ്ക്കപ്പെടാനും കാരുണ്യത്തിന്‍റെ വഴിയെ നടക്കാനുമുള്ള വിളിയാണ് ഓരോ ക്രൈസ്തവനും മാമ്മോദീസായിലൂടെ ലഭിക്കുന്നത്. ഈ ദൗത്യത്തിനായി ആദ്യം യേശുവിനെ അറിയുകയും വിശുദ്ധി നിറഞ്ഞ സാക്ഷ്യജീവിതം നയിക്കുകയും വേണം. ദൈവരാജ്യം സംജാതമാക്കാനുള്ള ഈ പരിശ്രമത്തിൽ പരിശീലനത്തിലൂടെ നമ്മെ രൂപപ്പെടുത്തേണ്ടതുണ്ടെന്നും മാർ പുത്തൻവീട്ടിൽ പറഞ്ഞു. കെസിബിസി ഡെപ്യൂട്ടി സെക്രട്ടറി റവ. ഡോ. വർഗീസ് വള്ളിക്കാട്ട് അധ്യക്ഷത വഹിച്ചു. ഫാ. ഷിബു സേവ്യർ, ഫാ. റയ്മണ്ട് പള്ളൻ, സിസ്റ്റർ അനറ്റ്, ഷിബു ജോസഫ്, ടി.സി. ആന്‍റോ എന്നിവർ പ്രസംഗിച്ചു.

Read More
ഡിസിഎൽ

കൊച്ചേട്ടന്‍റെ കത്ത് / അമിതാശ്രയത്വത്തിന്‍റെ അഴിയാക്കുരുക്കുകൾ സ്നേഹമുള്ള ഡിസിഎൽ കൂട്ടുകാരേ, വടവൃക്ഷങ്ങളും അപകടകരമായി വളർന്ന വൻ മരങ്ങളും മുറിക്കുന്ന മരംവെട്ടുകാരുണ്ട്. ഏറെ സാഹസികതയും ധൈര്യവും ആരോഗ്യവും ആവശ്യമുള്ള ഒരു ജോലിയാണത്. വലിയ ശിഖരങ്ങളും മരത്തടികളും മുറിച്ചുമാറ്റുന്പോൾ, ഇവർ ചെയ്യുന്ന ഒരു കാര്യമുണ്ട്. മരം മുറിച്ചു വീഴ്ത്തുന്പോൾ നിലത്തുറച്ചു നിൽക്കുന്ന ഭാഗം അതിവേഗം ഇരുവശത്തേക്കും ഇളകിയാടും. അപ്പോൾ മരംവെട്ടുകാരൻ മരത്തിൽനിന്നു പിടിവിട്ട് തെറിച്ചുവീഴാതിരിക്കാൻ വെട്ടു തുടങ്ങുന്നതിനു മുന്പേതന്നെ അയാളുടെ ശരീരം തായ്ത്തടിയോടു ചേർത്ത് കയറുകൊണ്ട് ചുറ്റിക്കെട്ടും. മരം മുറിച്ചുകഴിയുന്പോൾ കെട്ടഴിച്ചു താഴെയിറങ്ങും. എന്നാൽ, കഴിഞ്ഞ ദിവസം കോട്ടയം ജില്ലയിലെ ഒരു ഗ്രാമത്തിൽനിന്നും കേട്ടത് ഏറെ ദുഃഖാർദ്രമായ ഒരു വാർത്തയാണ്. ചെറുപ്പക്കാരനായ ഒരു മരംവെട്ടുവിദഗ്ധൻ! അയാൾ മരത്തിനു മുകളിൽ കയറി, ശിഖരങ്ങൾ വെട്ടിവീഴ്ത്തി. അവസാനം, തായ്ത്തടിയുടെ മുകൾഭാഗം മുറിക്കുന്നതിനു മുന്പ് തന്‍റെ ശരീരം മരത്തോടുചേർത്തു കെട്ടി. തുടർന്ന് മരംവെട്ടി. എന്നാൽ, മുറിഞ്ഞ ഭാഗം നിലത്തേക്കു വീണതിന്‍റെ ആയാസത്തിൽ നിലത്തുറച്ചുനിന്ന ഭാഗംകൂടി മണ്ണിലേക്കു മറിഞ്ഞുവീണു. കാരണം, മരത്തിന്‍റെ വേരുകൾ ഉണങ്ങിപ്പോയതായിരുന്നു. മരത്തോടു ചേർത്തു കെട്ടിയിരുന്നതിനാൽ, ആ പാവം ദാരുണമായി ജീവൻ വെടിഞ്ഞു. മനസിനെ നടുക്കുന്ന ഈ ദുരന്തത്തിൽ അദ്ദേഹത്തിന്‍റെ കുടുംബത്തിന്‍റെയും കുഞ്ഞുമക്കളുടെയും അഗാധദുഃഖത്തിൽ നമുക്കും ഹൃദയം ചേർത്തുവച്ച് പ്രാർത്ഥിക്കാം. ഒപ്പം സംഭവം നല്കുന്ന ജീവിതപാഠങ്ങൾ ശ്രദ്ധിക്കുകയും ചെയ്യാം. ഇതുപോലെയാണ് നമ്മിൽ പലരും! അറിഞ്ഞോ അറിയാതെയോ നാം മറ്റുള്ളവരെ അമിതമായി ആശ്രയിക്കുന്നു. നമ്മളേക്കാൾ ഉറപ്പുണ്ടെന്ന് നമുക്കു തോന്നുന്നവരോട് നമ്മെത്തന്നെ ചേർത്തു നിർത്തുക എന്നത് പലർക്കും ആശ്വാസമാണ്. നാം ആശ്രയിക്കുന്നവരുടെ അടിസ്ഥാനം ഒരിക്കലും ഇളകില്ലെന്ന് വിശ്വസിക്കാനാണ് നമുക്കിഷ്ടം. അമിതമായ ആശ്രയഭാവം ആരോടും ഒന്നിനോടും നന്നല്ല എന്നാണ് ഈ സംഭവത്തിന്‍റെ ഒന്നാംപാഠം. ചിലർ പണത്തെ അമിതമായി ആശ്രയിക്കുന്നു. പണമുള്ളവരെ അന്ധമായി വിശ്വസിക്കുന്നു. അവരോടു ചേർന്നുനിൽക്കാനും സ്വന്തം നിലനില്പിനെത്തന്നെ അവരോടു ചേർത്തു പറയാനും ഇക്കൂട്ടർക്ക് അമിതമായ ആവേശമാണ്. ചിലർ പ്രശസ്തിയേയും പദവിയേയും പ്രശസ്തരേയും ആശ്രയിക്കുന്നു! ചിലർ ഭരണാധികാരികളുടെ ആശ്രിതരാകുന്നതിൽ മത്സരിക്കുന്നു. ഇവരോടൊക്കെ ഒട്ടിനിന്നാൽ തന്‍റെ ഭാവി ഭദ്രമായി എന്നാണിക്കൂട്ടരുടെ മൂഢവിശ്വാസം! എന്നാൽ, അനീതികൾക്കു മുകളിൽ പണിയുന്ന കൊട്ടാരങ്ങളോട് ഒട്ടരുത്. അന്യായത്തിനു മുകളിൽ പണിയുന്ന മട്ടുപ്പാവുകളിൽ വിരുന്നുണ്ണരുത്. അധാർമികതയുടെ ചിതൽ തിന്നുതീർത്ത അടിത്തറയ്ക്ക് ഉറപ്പില്ല. അഹങ്കാരത്തിന്‍റെ എലി കരണ്ട് അകംപൊള്ളയായ ചെതുക്കു തടികൾക്ക് നിങ്ങളെ രക്ഷിക്കാനാകില്ല. സ്വന്തം രക്ഷയ്ക്കുള്ള വഴി സ്വയം കരുതിവയ്ക്കാത്തവർ എപ്പോൾ വേണമെങ്കിലും അപകടത്തിലാകാം. കൂട്ടുകാർ ആരേയും ചാരിനിൽക്കേണ്ട. സ്വന്തം കാലിൽ നിൽക്കുക. കൂട്ടുകെട്ടുകളിൽ അമിതാശ്രയത്വം വേണ്ടേവേണ്ട. കൂട്ടുകാരുടെ ചുവടുകൾ എപ്പോൾ വേണമെങ്കിലും ഇടറാം. ഇടറാത്ത ഒരേയൊരിടമേയുള്ളൂ, ആശ്രയിക്കാൻ. അത് ദൈവമാണ്. നമുക്കു ജീവൻ നൽകിയ, ജീവിതം നൽകിയ ദൈവം. നമുക്ക് ഇന്നത്തെ നില നൽകിയ, നിലപാടു നല്കിയ ദൈവം. ആ ദൈവത്തോടൊട്ടി നിൽക്കാം. ഏതു ഭൂമികുലുക്കത്തിലും, സുനാമിയിലും നമ്മുടെ ഭാവി തകരില്ല. ദൈവത്തിലുള്ള അടിയുറച്ച വിശ്വാസം നല്കുന്ന ആത്മവിശ്വാസത്തിൽ ഉറച്ചുനിന്നു വളരുക. വിജയിക്കുക. ആശംസകളോടെ, സ്വന്തം കൊച്ചേട്ടൻ പത്തനംതിട്ട, ആലപ്പുഴ പ്രവിശ്യാ ഡയറക്ടേഴ്സ് മീറ്റുകൾ ജൂലൈ എട്ടിന് ആലപ്പുഴ: ദീപിക ബാലസഖ്യം ആലപ്പുഴ പ്രവിശ്യാ ഡയറക്ടേഴ്സ് മീറ്റും പ്രവർത്തനോദ്ഘാടനവും ജൂലൈ എട്ടിന് ആലപ്പുഴ പഴവങ്ങാടി കാർമ്മൽ അക്കാദമി ഹയർ സെക്കൻഡറി സ്കൂളിൽ നടക്കും.രാവിലെ ഒൻപതിനു ചേരുന്ന സമ്മേളനം കൊച്ചേട്ടൻ ഫാ. റോയി കണ്ണൻചിറ ഉദ്ഘാടനം ചെയ്യും. തുടർന്ന് ശാഖാ ഡയറക്ടർമാർക്കായി പരിശീലന ക്ലാസും ഉണ്ടായിരിക്കും. പ്രവിശ്യ കോ-ഓർഡിനേറ്റർ വി.കെ. മറിയാമ്മ, മേഖലാ ഓർഗനൈസർമാരായ അഡോൾഫ് സേവ്യർ, ആലീസ് എൻ.എം., അനൂപ് കെ. സെബാസ്റ്റ്യൻ തുടങ്ങിയവർ നേതൃത്വം നൽകും. എല്ലാ ശാഖാ ഡയറക്ടർമാരും എത്തിച്ചേരണമെന്ന് കോ-ഓർഡിനേറ്റർ വി.കെ. മറിയാമ്മ അറിയിച്ചു. കാഞ്ഞിരപ്പള്ളി: ദീപിക ബാലസഖ്യം പത്തനംതിട്ട പ്രവിശ്യാ ഡയറക്ടേഴ്സ് മീറ്റ് ജൂലൈ എട്ടിന് കാഞ്ഞിരപ്പള്ളി കുന്നുംഭാഗം സെന്‍റ് ജോസഫ്സ് പബ്ലിക് സ്കൂളിൽ നടക്കും. ഉച്ചയ്ക്ക് 1.30-ന് പ്രവിശ്യാ കോ-ഓർഡിനേറ്റർ വർഗീസ് കൊച്ചുകുന്നേൽ അധ്യക്ഷത വഹിക്കുന്ന സമ്മേളനം കൊച്ചേട്ടൻ ഫാ. റോയി കണ്ണൻചിറ ഉദ്ഘാടനം ചെയ്യും. കേന്ദ്രസമിതിയംഗം ജോസ് മണിമല, മേഖലാ ഓർഗനൈസർമാരായ ആൻസി മേരി ജോൺ, ബാബു ടി. ജോൺ,. മാത്യുസൺ ടി. തോമസ്, സിസ്റ്റർ ദീപ്തി മരിയ, സിസ്റ്റർ ഗ്ലാഡിസ് എന്നിവർ നേതൃത്വം നൽകും. ശാഖാ ഭാരവാഹികൾ ഫാത്തിമ എച്ച്.എസ് മ്ലാമല പ്രവീണ പി.വി. - ലീഡർ, പ്രിൻസ് ചാക്കോ - ഡെപ്യൂട്ടി ലീഡർ, മരിയ ജൂവൽ ജോസഫ്, ജോയ്സ് ജോസഫ് - കൗൺ‌സിലർമാർ, ആൽബി നോബിൾ, അലൻ നോബിൾ - സെക്രട്ടറിമാർ, ആര്യ ശിവാനന്ദൻ - പ്രോജക്ട് സെക്രട്ടറി, ഉവൈസ് ഒ.എഫ്. - ട്രഷറർ.

Read More
വടക്കേമുറിയച്ചൻ: ഒരു ഓർമക്കുറിപ്പ്

കേരളത്തിന്‍റെ സാമൂഹികവികസന രംഗത്തു ശ്രദ്ധേയമായ സംഭാവനകൾ നൽകിയ ഫാ.മാത്യു വടക്കേമുറിയുടെ അഞ്ചാം ചരമവാർഷികമാണ് ഇന്ന്. അദ്ദേഹത്തിന്‍റെ പൗരോഹിത്യ സ്വീകരണത്തിന്‍റെ സുവർണജൂബിലിയും ഈ വർഷമാണ്. കേരളത്തിലെ കത്തോലിക്കാ സഭയുടെ സാമൂഹിക പ്രവർത്തന ചരിത്രത്തെ രണ്ടു കാലഘട്ടമായി തിരിക്കാം. വടക്കേമുറിയച്ചനു മുമ്പും പിമ്പും എന്നതാണ് ആ തരംതിരിവ്. ദാനധർമ പ്രവർത്തനങ്ങളുടെ മേഖലയിൽ നിന്നു സാമൂഹിക വികസന സ്ഥാപനങ്ങളെ സാമൂഹിക ഇടപെടലുകളുടെ വഴിയിലേക്കു നയിക്കുക എന്ന ചരിത്രദൗത്യം നടത്തിയതു വടക്കേമുറിയച്ചനാണ്. സമൂഹത്തിലെ പാവങ്ങളുടെ പക്ഷം ചേർന്നായിരിക്കണം വികസനം എന്നു നിരന്തരം വാദിക്കുകയും അതിനാവശ്യമായ പരീക്ഷണങ്ങളിൽ‌ അദ്ദേഹം നിരന്തരം ഏർപ്പെടുകയും ചെയ്തു. അച്ചന്‍റെ സാമൂഹിക പ്രവർത്തനങ്ങൾ അദ്ദേഹത്തിന്‍റെ സെമിനാരി കാലഘട്ടം മുതൽതന്നെ ആരംഭിച്ചു. 1962-ൽ ആരംഭിച്ച പൗരോഹിത്യ ജീവിത കാലഘട്ടമുടനീളം അദ്ദേഹം ഒരു സജീവ സാമൂഹിക പ്രവർത്തകനായിരുന്നു. ചങ്ങനാശേരി സോഷ്യൽ സർവീസ് സൊസൈറ്റി, മലനാട് ഡവലപ്മെന്‍റ് സൊസൈറ്റി, ഇൻഫാം തുടങ്ങിയ സാമൂഹിക വികസന കർഷക പ്രസ്ഥാനങ്ങളിലൂടെ അച്ചൻ ഗ്രാമീണ ജീവിതത്തിന്‍റെ സമസ്ത മേഖലകളിലും ഇടപെട്ടു. വെള്ളം, ഊർജോത്പാദനം, കാർഷിക വിഭവങ്ങളുടെ ഉത്പാദനം, മൂല്യവർധന, വിപണനം തുടങ്ങിയ വിവിധ മേഖലകളിൽ നിർണായക ഇടപെടലുകൾ അദ്ദേഹം നടത്തി. വ്യത്യസ്തനായ ഒരു പുരോഹിതനായിരുന്നു അദ്ദേഹം. തനതായ ജീവിതശൈലിയും മൂല്യങ്ങളും അദ്ദേഹത്തെ വേറിട്ടുനിർത്തി. സ്വാശ്രയകുടുംബങ്ങൾക്കും ഗ്രാമങ്ങൾക്കും സമൂഹത്തിനുംവേണ്ടി അച്ചൻ ചിന്തിച്ചു, പ്രയത്നിച്ചു. പുത്തൻ പ്രവണത അദ്ദേഹം രൂപീകരിച്ചു. പുതിയ ആശയങ്ങൾക്കും പ്രയോഗങ്ങൾക്കും മുൻകൈയെടുത്തു. സാഹസികമായ പല ദൗത്യങ്ങളും അദ്ദേഹം ഏറ്റെടുത്തു വിജയിപ്പിച്ചു. അടിസ്ഥാന ക്രൈസ്തവമൂല്യങ്ങൾ ജീവിതത്തിൽ കാത്തുസൂക്ഷിച്ചു. നല്ലകാര്യങ്ങൾ ചെയ്തവരെയും പരീക്ഷിച്ചവരെയും അദ്ദേഹം പ്രോത്സാഹിപ്പിച്ചു, അംഗീകരിച്ചു. പൊതുസമൂഹത്തിനു മുമ്പിൽ അവതരിപ്പിച്ചു, പ്രചരിപ്പിച്ചു. സമയബന്ധിതമായ പ്രവർത്തനങ്ങൾകൊണ്ട് പുതിയ മാതൃകകൾ സൃഷ്‌‌ടിച്ചു. തൊണ്ണൂറു ദിവസംകൊണ്ട് പന്പാനദിക്കു കുറുകെ പാലം പണിതതും 11 മാസംകൊണ്ട് മലനാട് ഡെയറി പ്ലാന്‍റ് പൂർത്തിയാക്കി പ്രവർത്തനമാരംഭിച്ചതും കാളകെട്ടി- കോരുത്തോട് റോഡ് നാലായിരം പേരെ പണിക്കിറക്കി സമയബന്ധിതമായി പൂർത്തിയാക്കിയതും അമൽജ്യോതി എൻജിനിയറിംഗ് കോളജ് അനുവാദം വാങ്ങി പ്രവർത്തനസജ്ജമാക്കിയതും ഇതിനായി എഐസിടിഇക്കെതിരേ സുപ്രീംകോടതിയിൽ കേസ് നടത്തി സ്വാശ്രയ കോളജിന് അനുമതി നേടിയെടുത്തതുമെല്ലാം അച്ചന്‍റെ ഇച്ഛാശക്തിയുടെയും പ്രവർത്തനമികവിന്‍റെയും ഏതാനും ഉദാഹരണങ്ങൾ മാത്രം. കാൽനൂറ്റാണ്ട് മുന്നിൽക്കണ്ടു കേരളത്തിൽ മഴവെള്ളസംഭരണം 1980-കളിൽതന്നെ പ്രചരിപ്പിച്ചതും വടക്കേമുറിയച്ചനായിരുന്നു. ഇന്ത്യയിൽ ഏറ്റവുമധികം ബയോഗ്യാസ് പ്ലാന്‍റ് പ്രചരിപ്പിച്ചതിന്‍റെ പ്രത്യേക പുരസ്കാരം അച്ചനെ തേടിവന്നു. തേൻ സംസ്കരണത്തിന്‍റെ സാധ്യതകൾ അദ്ദേഹം കേരളസമൂഹത്തിനു പകർന്നുനൽകി. ചുരുക്കത്തിൽ ഗ്രാമീണ മേഖലയുടെ സമസ്ത തലങ്ങളിലും അച്ചന്‍റെ കരസ്പർശം കാണാൻ കഴിയും. ചൂഷണത്തിനും ഇടനിലക്കാരുടെ കൊള്ളയ്ക്കും വഴങ്ങാതെ കർഷകർ സ്വന്തം കാലിൽ നിന്നു പ്രവർത്തിക്കണം എന്നത് അച്ചന്‍റെ ചിരകാല സ്വപ്നമായിരുന്നു. കാർഷികരംഗത്തെ അച്ചന്‍റെ ഇടപെടലുകൾ ഈ ലക്ഷ്യം മുൻനിർത്തിയുള്ളതായിരുന്നു. പ്രശ്നങ്ങൾ സർക്കാരിനെക്കൊണ്ടു പരിഹരിച്ചെടുക്കുന്നതിനൊപ്പം ക്രിയാത്മക നടപടികളിലൂടെ സ്വയം പരിഹാരം കാണാനും അദ്ദേഹം കർഷകരെ പഠിപ്പിച്ചു. പാൽ വിൽക്കുന്പോൾ അളന്നെടുക്കുന്നതിനു പകരം തൂക്കിയെടുക്കുക എന്ന ആശയം അച്ചൻ പ്രാവർത്തികമാക്കിയതായിരുന്നു. ആ പരിഷ്കാരം ഇന്നു മിൽമ ഏറ്റെടുത്ത് നടപ്പാക്കിയിരിക്കുന്നു എന്നതു സന്തോഷകരംതന്നെ. അതുപോലെ കുട്ടനാട്ടിലെ നെല്ല് ഗവൺമെന്‍റിനെക്കൊണ്ടു സംഭരിപ്പിച്ചു കർഷകർക്കു നെല്ലിന്‍റെ മാർക്കറ്റ് ഉറപ്പാക്കിയതും വടക്കേമുറിയച്ചന്‍റെ ആശയവും പരിശ്രമവുമാണെന്ന് അധികമാർക്കും അറിയാമെന്നു തോന്നുന്നില്ല. ഇടുക്കി ജില്ലയിൽ കുരുമുളക് സംഭരണരംഗത്ത് കൊണ്ടുവന്ന പരിഷ്കാരത്തിന്‍റെ ചുവടുപിടിച്ചായിരുന്നു ഇത്. കേരളത്തിലെയും ഇന്ത്യയിലെയുംതന്നെ സമകാലിക സംഭവവികാസങ്ങൾ അച്ചന്‍റെ വേർപാടിനെ ഓർമിപ്പിക്കുന്നു. കാർഷിക പ്രതിസന്ധി രൂക്ഷമായിരിക്കുന്ന ഈ കാലഘട്ടത്തിൽ കർഷകർക്കു വേണ്ടി ആർജവത്തോടെ സംസാരിക്കാൻ ആരുമില്ല. റബർ തുടങ്ങിയ കാർഷിക വിളകളുടെ വിലത്തകർച്ച രൂക്ഷമായിരിക്കുന്നു. 2002 കാലഘട്ടത്തിൽ റബറിന്‍റെ വിലയിടിഞ്ഞ സന്ദർഭത്തിൽ വില ഉയർത്താൻ അച്ചൻ നടത്തിയ പരിശ്രമങ്ങൾ ഈയവസരത്തിൽ സ്മരണീയമാണ്. ഇറക്കുമതി കോൽക്കത്ത തുറമുഖംവഴി മാത്രമാക്കാൻ ഗവൺമെന്‍റിനെക്കൊണ്ട് തീരുമാനമെടുപ്പിക്കാനും അതുവഴി റബർവില ഒരുപരിധിവരെ പിടിച്ചുനിർത്താനും അച്ചനു സാധിച്ചു. വടക്കേമുറിയച്ചനെ സമൂഹം വേണ്ടപോലെ മനസിലാക്കിയോ എന്നു സംശയിക്കുന്നു. രാഷ്‌‌ട്രീയ താത്പര്യങ്ങളില്ലാതെ കർഷകരെ സംഘടിപ്പിക്കുകയും ശക്തിപ്പെടുത്താൻ യത്നിക്കുകയും ചെയ്ത വടക്കേമുറിയച്ചന്‍റെ അഭാവം ഇന്നു ശ്രദ്ധിക്കപ്പെടുന്നുണ്ട്. വിവിധ കാർഷിക പ്രശ്നങ്ങൾക്കു മുന്നിൽ പകച്ചുനിൽക്കുന്ന കർഷകസമൂഹം ആ അസാന്നിധ്യം ശരിക്കും അനുഭവിക്കുന്നു. 1962 മുതൽ 2012-ൽ വാഹനാപകടത്തിൽ മരിക്കുന്നതുവരെ താൻ ജീവിക്കുന്ന പൊതുസമൂഹത്തിനായി സ്വയം അർപ്പിക്കുകയായിരുന്നു ആ പൗരോഹിത്യ ജീവിതം. അച്ചൻ കാലയവനികക്കപ്പുറത്തേക്ക് മടങ്ങിയെങ്കിലും അച്ചന്‍റെ ഓർമകൾ കേരളസമൂഹത്തിൽ ഇന്നും ജീവിക്കുന്നു. സമർപ്പിത ജീവിതങ്ങളെ സ്മരിക്കുന്നതു പരിഷ്കൃത സമൂഹത്തിന്‍റെ സ്വഭാവമാണ്. വടക്കേമുറിയച്ചന്‍റെ ഓർമകൾ നിലനിർത്താൻ അച്ചന്‍റെ ബന്ധുക്കളും അഭ്യുദയകാംക്ഷികളും പഴയ സഹപ്രവർത്തകരും ചേർന്നു ഫാ.മാത്യു വടക്കേമുറി സ്മാരക ട്രസ്റ്റ് രൂപീകരിച്ച് പ്രവർത്തിക്കുന്നു. സാമൂഹിക വികസനരംഗത്തു ശ്രദ്ധേയമായ സംഭാവനകൾ നൽകിയ വ്യക്തികൾ, സ്ഥാപനങ്ങൾ എന്നിവരെ കണ്ടെത്തി വർഷംതോറും ഫാ. വടക്കേമുറി സ്മാരക അവാർഡ് നൽകിവരുന്നു. 50,000 രൂപയും പ്രശസ്തിപത്രവും ഫലകവും അടങ്ങുന്നതാണ് അവാർഡ്. ഇത്തവണ മൂന്നുപേരെയാണ് അവാർഡിന് തെരഞ്ഞെടുത്തിരിക്കുന്നത്. ജോബി ജോസ് കോതമംഗലം, ഹോപ്സ് ഫൗണ്ടേഷൻ കണ്ണൂർ, ദർശന ഓട്ടോസ് കോട്ടയം എന്നിവരാണ് അവാർഡിന് അർഹരായത്. ഹൃദയത്തിൽ ദൈവത്തിന്‍റെ കൈയൊപ്പുമായി സമൂഹത്തിനു സ്വയം സമർപ്പിച്ച് ഇവിടെ ജീവിച്ചുമടങ്ങിയ വടക്കേമുറിയച്ചനെപ്പോലുള്ള ഒരാൾക്കുവേണ്ടി കേരളസമൂഹം ഇനി എത്രനാൾ കാത്തിരിക്കേണ്ടിവരും?

Read More
കർദിനാൾ ഡയസ് കാലം ചെയ്തു

റോം: കാലംചെയ്ത കർദിനാൾ ഐവാൻ ഡയസിന്‍റെ സംസ്കാരശുശ്രൂഷകൾ ഇന്നു വത്തിക്കാനിൽ നടക്കും. സെന്‍റ് പീറ്റേഴ്സ് ബസിലിക്കയിൽ നടക്കുന്ന സംസ്കാരശുശ്രൂഷകൾക്കും ദിവ്യബലിക്കും കർദിനാൾ സംഘത്തിന്‍റെ ഡീൻ കർദിനാൾ ആഞ്ജലോ സൊഡാനോ മുഖ്യകാർമികത്വം വഹിക്കും. സമാപനസന്ദേശം നൽകുന്നത് ഫ്രാൻസിസ് മാർപാപ്പയാണ്. ബോംബെ ആർച്ച്ബിഷപ്പും ജനതകളുടെ സുവിശേഷവത്കരണത്തിനായുള്ള തിരുസംഘത്തിന്‍റെ പ്രീഫെക്‌‌ടുമായിരുന്നു കർദിനാൾ ഡയസ്. തിങ്കളാഴ്ച ഇന്ത്യൻ സമയം രാത്രി എട്ടിനാണ് അദ്ദേഹം അന്തരിച്ചത്.

Read More
ഫാ. ക്രിസ്പിന്‍റെ വൃക്കദാനത്തിൽ ഫിലോമിനയ്ക്കു പുതുജീവൻ

കൊച്ചി: അടുത്തെത്തിയ മരണത്തിന്‍റെ വിളിയെ ഒരു വൈദികന്‍റെ മഹാദാനം കൊണ്ടു പ്രതിരോധിച്ചു ഫിലോമിന പുതുജീവിതത്തിലേക്ക്. രണ്ടു വർഷത്തോളമായി വൃക്കരോഗത്തിനു ചികിത്‌സയിലായിരുന്നു ഫിലോമിന വർഗീസ്. കപ്പൂച്ചിൻ സന്യാസസമൂഹത്തിന്‍റെ കളമശേരി സെന്‍റ് ഫ്രാൻസിസ് പ്രോവിൻസ് അംഗമായ ഫാ. ക്രിസ്പിൻ (ജസ്റ്റിൻ) താമരശേരിയിൽ, ഫേസ്ബുക്കിലൂടെയാണ് ആലപ്പുഴ പുളിങ്കുന്ന് കൊച്ചുവീട്ടിൽ വർഗീസിന്‍റെ ഭാര്യ ഫിലോമിനയുടെ രോഗത്തെക്കുറിച്ച് അറിയുന്നത്. മകൻ ക്രിസ്റ്റിനാണ് അമ്മ വൃക്കദാതാവിനെ തേടുന്നതിനെക്കുറിച്ചു ഫേസ്ബുക്കിൽ കുറിച്ചത്. ഹിമാചൽപ്രദേശിൽ സഭയുടെ സ്കൂളിൽ സേവനം ചെയ്തുവന്ന ഫാ. ക്രിസ്പിൻ ക്രിസ്റ്റിനെ ഫോണിൽ വിളിച്ചു വൃക്കദാനത്തിനുള്ള സന്നദ്ധതയറിയിക്കുകയായിരുന്നു. 35 വയസുള്ള ഫാ. ക്രിസ്പിൻ വൃക്കകളിലൊന്നു പകുത്തു നൽകാൻ ഒരുങ്ങുന്നുവെന്ന വിവരം സഹപ്രവർത്തകർ പോലും അറിഞ്ഞിരുന്നില്ല. ശസ്ത്രക്രിയയ്ക്കു മുന്പ് ഈ വിവരം അധികം പേർ അറിയരുതെന്ന് അദ്ദേഹത്തിന് ആഗ്രഹവുമുണ്ടായിരുന്നു. കൊല്ലം കോവിൽത്തോട്ടം താമരശേരിയിൽ ജോണ്‍ ജേക്കബിന്‍റെയും ഫിലോമിനയുടെയും ആറു മക്കളിൽ ഇളയയാളാണു ഫാ. ക്രിസ്പിൻ. ഒന്നര വർഷം മുന്പാണു ഫിലോമിനയുടെ വൃക്കരോഗം സ്ഥിരീകരിക്കുന്നത്. അന്നു മുതൽ ദാതാവിനെ തേടിയുള്ള അന്വേഷണമായിരുന്നു. മകൻ ക്രിസ്റ്റിൻ സന്നദ്ധനായെങ്കിലും അമ്മയുടെ വൃക്കയുമായി ചേരാത്തതിനാൽ അതു നടന്നില്ല. വണ്ടാനം മെഡിക്കൽ കോളജ്, എറണാകുളം ലൂർദ്, തിരുവല്ല പുഷ്പഗിരി എന്നീ ആശുപത്രികളിൽ ചികിത്സയ്ക്കുശേഷമാണു ശസ്ത്രക്രിയ നടത്തിയത്. 47 വയസുകാരിയായ ഫിലോമിന ഒന്നര വർഷമായി ഡയാലിസിസ് നടത്തുന്നുണ്ടായിരുന്നു. സാന്പത്തികമായി ബുദ്ധിമുട്ടുള്ള കുടുംബാംഗമായ ഫിലോമിനയുടെ ചികിത്സയ്ക്കായി ജീവകാരുണ്യ സംരംഭമായ പ്രത്യാശയുടെ ഡയറക്ടർ ഫാ. സെബാസ്റ്റ്യൻ പുന്നശേരിയുടെ നേതൃത്വത്തിൽ ചികിത്സാ സഹായനിധി രൂപീകരിച്ചിരുന്നു. ക്രിസ്റ്റിൻ ജോലി ചെയ്യുന്ന ഇടപ്പള്ളിയിലെ സ്വകാര്യ സ്ഥാപനത്തിലുള്ളവരുൾപ്പെടെ നിരവധി പേരും കൈത്താങ്ങായി. ഇന്നലെ എറണാകുളം പിവിഎസ് ആശുപത്രിയിലായിരുന്നു വൃക്ക മാറ്റിവയ്ക്കൽ ശസ്ത്രക്രിയ. നെഫ്രോളജിസ്റ്റ് ഡോ. ജോർജി കെ. നൈനാൻ, യൂറോളജിസ്റ്റ് ഡോ. ജോർജ്. പി. ഏബ്രഹാം, ഡോ. വിനോദ് എന്നിവരുടെ നേതൃത്വത്തിലായിരുന്നു ശസ്ത്രക്രിയ. പുതിയ വൃക്കയോടു ഫിലോമിനയുടെ ശരീരം പ്രതികരിക്കുന്നുണ്ടെന്ന് ആശുപത്രി വൃത്തങ്ങൾ അറിയിച്ചു. ഏതാനും ദിവസത്തെ ആശുപത്രിവാസത്തിനു ശേഷം ഇരുവരും ആശുപത്രി വിടും.

Read More

Latest News

VIEW MORE NEWS

MAJOR ARCHIEPISCOPAL CURIA

Holy Father / Vatican

Major Archbishop

Mar George Cardinal Alencherry

today's reading

Friday June 23,2017
Season of Apostles
Liturgical Calendar

Events

July 2017
S	M	T	W	T	F	S
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
<<	< Jun			Aug >		>>

ഇതര പ്രസ്ഥാനങ്ങൾക്കു സഭാ കൗൺസിലുകൾ മാതൃകയാവണം: മാർ ആലഞ്ചേരി

പാലാ: മറ്റു സമൂഹങ്ങൾക്കും സാംസ്കാരിക പ്രസ്ഥാനങ്ങൾക്കും സഭയുടെ കൗണ്‍സിലുകൾ മാതൃകയാവണമെന്നു സീറോ മലബാർ സഭ മേജർ ആ

കുടുംബങ്ങൾക്കായുള്ള ശുശ്രൂഷകൾ സഭയുടെ പ്രധാനദൗത്യം: മാർ ആലഞ്ചേരി

കേരളം ഭാരതത്തിനു മാതൃകയാവണം: മാർ ജോർജ് ആലഞ്ചേരി

ദളിത് സമൂഹത്തിന്‍റെ ക്ഷേമത്തിനു സഭ പ്രതിജ്ഞാബദ്ധം: മാർ ആലഞ്ചേരി

View More Updates

Syro-Malabar Major Archiepiscopal Curia

Migrants News

യൂറോപ്പിൽ ചരിത്രമെഴുതി സീറോ മലബാർ സഭ; മാർ സ്റ്റീഫൻ ചിറപ്പണത്ത് അഭിഷിക്‌തനായി

റോം: യൂറോപ്പിലെ സീറോ മലബാർ സഭയുടെ അപ്പസ്തോലിക് വിസിറ്റേറ്ററായി മെത്രാനു തുല്യമായ അധികാരത്തോടെ മാർ സ്റ്റീഫൻ ചിറപ്പണത്ത് അഭിഷിക്‌തനായി. സങ്കീർത്തനങ്ങളാലും പ്രാർഥനകളാലും സ്തുതിഗീതങ

Syro-Malabar Holy Qurbana: A Pictorial Journey

By Archbishop Mar Joseph Perumthottam

The best Guide to Syro-Malabar Holy Qurbana
Easy to understand graphic presentation
Explains the Signs and Symbols
Detailed interpretation of the entire Holy Qurbana.

Published by Denha Services, Manganam
E-Book : http://www.nasranifoundation.org

HOMILY

Syro Malabar Homily

Great will be your reward in heaven
Fourth Sunday of the Apostles
Read More

Saints, Blesseds, Venerables, Servants of God of the Syro Malabar Church ...readmore

CHRONOLOGY OF ST. ALPHONSA

Birth in Kudamaloor a rural village near Kottayam to Joseph and Mary Muttathupadathu

MESSAGE OF ST. ALPHONSA

The central message that comes from the life of Alphonsa is thus only a living experience of Christ can lead us to a. ...

Highlights

വിശ്വാസി കാരുണ്യത്തിന്‍റെ മാർഗം പിന്തുടരണം: മാർ പുത്തൻവീട്ടിൽ

ഡിസിഎൽ

വടക്കേമുറിയച്ചൻ: ഒരു ഓർമക്കുറിപ്പ്

കർദിനാൾ ഡയസ് കാലം ചെയ്തു

ഫാ. ക്രിസ്പിന്‍റെ വൃക്കദാനത്തിൽ ഫിലോമിനയ്ക്കു പുതുജീവൻ

Latest News

MAJOR ARCHIEPISCOPAL CURIA

Holy Father / Vatican

Major Archbishop

today's reading

ഇതര പ്രസ്ഥാനങ്ങൾക്കു സഭാ കൗൺസിലുകൾ മാതൃകയാവണം: മാർ ആലഞ്ചേരി

മനുഷ്യമഹത്വം വെളിവാകുന്നതു പരസ്നേഹ പ്രവൃത്തികളിലൂടെ: മാർ ആലഞ്ചേരി

കുടുംബങ്ങൾക്കായുള്ള ശുശ്രൂഷകൾ സഭയുടെ പ്രധാനദൗത്യം: മാർ ആലഞ്ചേരി

കേരളം ഭാരതത്തിനു മാതൃകയാവണം: മാർ ജോർജ് ആലഞ്ചേരി

ദളിത് സമൂഹത്തിന്‍റെ ക്ഷേമത്തിനു സഭ പ്രതിജ്ഞാബദ്ധം: മാർ ആലഞ്ചേരി

യൂറോപ്പിൽ ചരിത്രമെഴുതി സീറോ മലബാർ സഭ; മാർ സ്റ്റീഫൻ ചിറപ്പണത്ത് അഭിഷിക്‌തനായി

ഗ്രേറ്റ് ബ്രിട്ടൻ രൂപതയുടെ പ്രഥമ ബൈബിൾ കണ്‍വൻഷൻ ഒക്ടോബർ 22 മുതൽ 29 വരെ

ഗ്രേറ്റ് ബ്രിട്ടൻ രൂപതയിൽ ചെറുപുഷ്പ മിഷൻ ലീഗ് തുടങ്ങി

"ആത്മരക്ഷ" മലയാളം ആപ്ലിക്കേഷന്‍ പ്രകാശനം ചെയ്തു.

Marthoma Margam News Bulletin - October 2016

Syro-Malabar Holy Qurbana: A Pictorial Journey

Liturgical Calendar -Malayalam

The Holy Land : Virtual Tour

Liturgical Calendar -English

Syro Malabar Homily

The good samaritan.

Forgiveness to the sinful women.

The work of the Holy Spirit.

CHRONOLOGY OF ST. ALPHONSA

MESSAGE OF ST. ALPHONSA

News and Events

Syro Malabar Church

Ask Expert

Locations

Syro Malabar Live