Daily Readings for Wednesday December 11,2019

Reading 3, എഫേ 1:3-12 : മിശിഹായില്‍ തിരഞ്ഞെടുക്കപ്പെട്ടവര്‍.

സ്വര്‍ഗത്തിലെ എല്ലാ ആത്മീയാനുഗ്രഹങ്ങളാലും മിശിഹായില്‍നമ്മെ അനുഗ്രഹിച്ച നമ്മുടെ കര്‍ത്താവായ ഈശോമിശിഹായുടെ ദൈവവും പിതാവുമായവന്‍വാഴ്ത്തപ്പെട്ടവന്‍. കാരണം, തന്റെ മുമ്പാകെ സ്‌നേഹത്തില്‍വിശുദ്ധരും നിഷ്‌കളങ്കരുമായിരിക്കാന്‍ലോകസ്ഥാപനത്തിനുമുമ്പുതന്നെ അവിടന്ന് നമ്മെ അവനില്‍തിരഞ്ഞെടുത്തു. അവിടത്തെ തിരുമനസ്സിന്റെ പ്രീതിയനുസരിച്ച്, ഈശോമിശിഹാവഴി തനിക്കുവേണ്ടി നമ്മെ ദത്തുപുത്രസ്ഥാനത്തേക്ക് അവിടന്നു മുന്‍കൂട്ടി നിശ്ചയിച്ചു. ഇത്, തന്റെ പ്രിയപ്പെട്ടവനിലൂടെ നമ്മില്‍ചൊരിഞ്ഞ അവിട ത്തെ മഹത്ത്വപൂര്‍ണമായ കൃപയുടെ പുകഴ്ചയ്ക്കു വേണ്ടിയാണ്. അവനില്‍, അവിടത്തെ കൃപയുടെ സമ്പ ന്നതയ്‌ക്കൊത്ത് അവന്റെ രക്തംവഴിയുള്ള വീണ്ടെടുപ്പ്, അപരാധങ്ങളുടെ മോചനം, നമുക്കുണ്ട്. ഇത് അവിടന്ന് സമ്പൂര്‍ണജ്ഞാനത്താലും വിവേകത്താലും നമ്മിലേക്കു വര്‍ഷിച്ചിരിക്കുന്നു. അവിടന്ന് തന്റെ പ്രീതിയനുസരിച്ച് അവനില്‍നിശ്ചയിച്ചു നല്കിയ തിരുമനസ്സിന്റെ രഹസ്യം നമുക്കു വ്യക്തമാക്കിത്തന്നു: സ്വര്‍ഗത്തിലും ഭൂമിയിലുമുള്ള സമസ്തവും മിശിഹായില്‍സമയത്തിന്റെ പൂര്‍ണതയില്‍ഏകീഭവിപ്പിക്കുന്ന പദ്ധതി. തന്റെ തിരുമനസ്സിന്റെ തീരുമാനപ്രകാരം, എല്ലാം നിറവേറ്റുന്ന അവിടത്തെ പദ്ധതിയനുസരിച്ച് മുന്‍കൂട്ടി നിശ്ചയിക്കപ്പെട്ടവരായി ഞങ്ങള്‍അവനില്‍തിരഞ്ഞെടുക്കപ്പെട്ടു. ഇത്, മിശിഹായില്‍മുമ്പേ പ്രത്യാശയര്‍പ്പിച്ച ഞങ്ങള്‍അവന്റെ മഹത്ത്വപൂര്‍ണമായ പുകഴ്ചയ്ക്കു വേണ്ടിയായിരിക്കുന്നതിനാണ്.


Gospel, ലൂക്കാ 1:34-38 : ഇതാ കര്‍ത്താവിന്‍റെ ദാസി.

മറിയമാകട്ടെ, ദൂതനോടു ചോദിച്ചു: ഞാന്‍ പുരുഷനെ അറിയായ്കയാല്‍ ഇത് എങ്ങനെ സംഭവിക്കും? ദൂതന്‍ അവളോടു പ്രതി
വചിച്ചു: പരിശുദ്ധാത്മാവ് നിന്റെമേല്‍ വരും; അത്യുന്നതന്റെ ശക്തി നിന്നെ ആവരണം ചെയ്യും. ആകയാല്‍, ജനിക്കാനിരിക്കുന്നവന്‍ പരിശുദ്ധനായിരിക്കും. അവന്‍ ദൈവപുത്രന്‍ എന്നു വിളിക്കപ്പെടും. ഇതാ, നിന്റെ ചാര്‍ച്ചക്കാരി ഏലീശ്വായും അവളുടെ വാര്‍ദ്ധക്യത്തില്‍ ഒരു പുത്രനെ ഗര്‍ഭം ധരിച്ചിരിക്കുന്നു. വന്ധ്യയെന്നു വിളിക്കപ്പെട്ടിരുന്ന അവള്‍ക്ക് ഇത് ആറാംമാസമാണ്. എന്തെന്നാല്‍, ദൈവത്തിന് ഒരു കാര്യവും അസാധ്യമല്ല.  മറിയം പറഞ്ഞു:  ഇതാ, കര്‍ത്താവിന്റെ ദാസി!  നിന്റെ വാക്കുപോലെ എനിക്കു സംഭവിക്കട്ടെ. അപ്പോള്‍ ദൂതന്‍ അവളെ വിട്ടുപോയി .


Back to Top

Never miss an update from Syro-Malabar Church