Daily Readings for Thursday June 21,2018

ശ്ലീഹക്കാലം

നീതീകരണത്തിന്റെ ഫലങ്ങള്‍

English
March 2019
S M T W T F S
     12
3456789
10111213141516
17181920212223
24252627282930
31      
<< Feb   Apr > >>

Reading 3, 2 പത് 1: 3-9 : ക്രൈസ്തവന്റെ വിളി

തന്‍റെ മഹത്ത്വത്താലും ശ്രേ ഷ്ഠതയാലും നമ്മെ വിളിച്ചവനെക്കുറിച്ചുള്ള ജ്ഞാനത്തിലൂടെ അവിടത്തെ ദൈവികശക്തി, നമ്മുടെ ജീവിതത്തിനും ഭക്തിക്കും ആവശ്യമായവയെല്ലാം നമുക്കു പ്രദാനംചെയ്തിരിക്കുന്നു. ദുരാശമൂലം ലോകത്തിലുണ്ടാകുന്ന വിനാശത്തില്‍നിന്നു രക്ഷപ്പെട്ട് ദൈവികസ്വഭാവത്തില്‍ നിങ്ങള്‍ പങ്കുകാരാകുന്നതിന്, അവിടന്ന് നിങ്ങള്‍ക്ക് അമൂല്യവും ഉന്നതവുമായ വാഗ്ദാനങ്ങള്‍ നല്കിയിരിക്കുന്നു. ഇക്കാരണത്താല്‍, നിങ്ങളുടെ വിശ്വാസം സുകൃതംകൊണ്ടും സുകൃതം ജ്ഞാനംകൊണ്ടും സമ്പൂര്‍ ണമാക്കാന്‍ നന്നായി  ഉത്സാഹിക്കുവിന്‍. ജ്ഞാനം ആത്മസംയമനംകൊണ്ടും ആത്മസംയമനം സഹനശേഷികൊണ്ടും സഹനശേഷി ഭക്തികൊണ്ടും ഭക്തി സഹോദരസനേഹംകൊണ്ടും സഹോദരസ്നേഹം ഉപവികൊണ്ടും സമ്പൂര്‍ണമാക്കുവിന്‍. ഇവ നിങ്ങളില്‍ ഉണ്ടായിരിക്കുകയും സമൃദ്ധമാകുകയും ചെയ്താല്‍, നിങ്ങള്‍ നിഷ്ക്രിയരും ഫലരഹിതരുമാകാതിരിക്കാന്‍ നമ്മുടെ കര്‍ത്താവായ ഈശോമിശിഹായെക്കുറിച്ചുള്ള ജ്ഞാനം സഹായിക്കും. ഇവയില്ലാത്തവന്‍ അന്ധനും ഹ്രസ്വദൃഷ്ടിയും പഴയ പാപങ്ങളില്‍നിന്നു ശുദ്ധീകരിക്കപ്പെട്ടു എന്ന കാര്യം വിസ്മരിക്കുന്നവനുമാണ്.


Gospel, യോഹ 6: 60-63 : നിത്യജീവന്റെ വചസ്‌സുകള്‍

ഇതുകേട്ട് ഈശോയുടെ ശിഷ്യരില്‍ പലരും പറഞ്ഞു: ഈ വചനം കഠിനമാണ്. ഇതു ശ്രവിക്കാന്‍ ആര്‍ക്കു കഴിയും? തന്‍റെ ശിഷ്യന്‍മാര്‍ പിറുപിറുക്കുന്നു എന്നു മനസ്സിലാക്കി ഈശോ അവരോടു ചോദിച്ചു: ഇതു നിങ്ങള്‍ക്ക് ഇടര്‍ച്ച വരുത്തുന്നുവോ? അങ്ങനെയെങ്കില്‍ മനുഷ്യപുത്രന്‍ ആദ്യം ആയിരുന്നിടത്തേക്ക് ആരോഹണം ചെയ്യുന്നത് നിങ്ങള്‍ കണ്ടാലോ? ആത്മാവാണു ജീവന്‍ നല്കുന്നത്; ശരീരം ഒന്നിനും ഉപകരിക്കുന്നില്ല. നിങ്ങളോടു ഞാന്‍ പറഞ്ഞ വാക്കുകള്‍ ആത്മാവും ജീവനുമാണ്.


Back to Top

Never miss an update from Syro-Malabar Church