Daily Readings for Wednesday July 18,2018

April 2017
S M T W T F S
      1
2345678
9101112131415
16171819202122
23242526272829
30      
<< Mar   May > >>

Reading 3, 2 കോരി 4:14-5:1 :

 കര്‍ത്താവായ ഈശോയെ ഉയിര്‍പ്പിച്ചവന്‍ ഈശോയോടുകൂടെ ഞങ്ങളെയും ഉയിര്‍പ്പിക്കുമെന്നും നിങ്ങളോടൊപ്പം അവിടത്തെ സന്നിധിയില്‍ കൊണ്ടുവരുമെന്നും ഞങ്ങള്‍ അറിയുന്നു. ഇവയെല്ലാം നിങ്ങള്‍ക്കുവേണ്ടിയാണ്. കൂടുതല്‍ കൂടുതല്‍ ആളുകളില്‍ കൃപ സമൃദ്ധമാകുന്നതുവഴി  ദൈവമഹത്ത്വത്തിനു കൃതജ്ഞത വര്‍ദ്ധിക്കുന്നു. ഞങ്ങള്‍ അ ധൈര്യരാകുന്നില്ല. ഞങ്ങളിലെ ബാഹ്യമനുഷ്യന്‍ ക്ഷയിച്ചുകൊണ്ടിരിക്കുകയാണെങ്കിലും ഞങ്ങളിലെ ആന്തരികമനുഷ്യന്‍ അനുദിനം നവീകരിക്കപ്പെടുന്നു. നിസ്സാരവും ക്ഷണികവുമായ ഞങ്ങളുടെ ക്ലേശങ്ങള്‍ അമേയമായ മഹത്ത്വത്തിന്‍റെ നിതാന്തമായ ഘനം ഞങ്ങള്‍ക്കായി ഒരുക്കുന്നു. ദൃശ്യമായവയല്ല, അദൃശ്യമായവയാണ് ഞങ്ങള്‍ നോക്കിക്കൊണ്ടിരിക്കുന്നത്. ദൃശ്യമായവ നശ്വരങ്ങളാണ്, അദൃശ്യമായവ അനശ്വരങ്ങളും. ഞങ്ങളുടെ ഭൗമികഭവന മാകുന്ന കൂടാരം നശിച്ചുപോകുമെങ്കിലും കരങ്ങളാല്‍ നിര്‍മ്മിതമല്ലാത്തതും ശാശ്വതവും ദൈവത്തില്‍നിന്നുള്ളതുമായ ഭവനം സ്വര്‍ഗത്തില്‍ ഞങ്ങള്‍ക്കുണ്ടെന്ന് ഞങ്ങള്‍ അറിയുന്നു.  


Gospel, യോഹ 12:23-28 : ഗോതമ്പുമണി നിലത്തു വീണു അഴിയണം

 ഈശോ പ്രതിവചിച്ചു: മനുഷ്യപുത്രന്‍ മഹത്ത്വപ്പെടാനുള്ള സമയമായിരിക്കുന്നു. സത്യം സത്യമായി ഞാന്‍ നിങ്ങളോടു പറയുന്നു, ഗോതമ്പുമണി നിലത്തുവീണ് അഴിയുന്നില്ലെങ്കില്‍ അത് അതേപടിയിരിക്കും. അഴിയുന്നെങ്കിലോ, അത് ഏറെ ഫലം പുറപ്പെടുവിക്കും. തന്‍റെ ജീവനെ സ്നേഹിക്കുന്നവന്‍ അതു നഷ്ടപ്പെടുത്തുന്നു. ഈ ലോകത്തില്‍ തന്‍റെ ജീവനെ വെറുക്കുന്നവന്‍ നിത്യജീവനിലേക്ക് അതു കാത്തുസൂക്ഷിക്കും. എന്നെ ശുശ്രൂഷിക്കാന്‍ ആഗ്രഹിക്കുന്നവന്‍ എന്നെ അനുഗമിക്കട്ടെ. അപ്പോള്‍, ഞാന്‍ ആയിരിക്കുന്നിടത്ത് എന്‍റെ ശുശ്രൂഷകനും ആയിരിക്കും; എന്നെ ശുശ്രൂഷിക്കുന്നവനെ പിതാവു ബഹുമാനിക്കും. ഇപ്പോള്‍ എന്‍റെ ആത്മാവ് അസ്വസ്ഥമായിരിക്കുന്നു. ഞാന്‍ എന്തു പറയേണ്ടൂ! പിതാവേ, ഈ മണിക്കൂറില്‍നിന്ന് എന്നെ രക്ഷിക്കണമേ. അല്ല, ഇതിനു വേണ്ടിയാണല്ലോ ഈ മണിക്കൂറിലേക്കു ഞാന്‍ വന്നത്. പിതാവേ, അങ്ങയുടെ നാമം മഹത്ത്വപ്പെടുത്തണമേ! അപ്പോള്‍ സ്വര്‍ഗത്തില്‍നിന്ന് ഒരു സ്വരമുണ്ടാ യി: ഞാന്‍ മഹത്ത്വപ്പെടുത്തിയിരിക്കുന്നു, ഇനിയും മഹത്ത്വപ്പെടുത്തും.


Back to Top

Never miss an update from Syro-Malabar Church