Daily Readings for Tuesday July 17,2018

January 2017
S M T W T F S
1234567
891011121314
15161718192021
22232425262728
293031    
<< Dec   Feb > >>

Reading 3, യാക്കോ 4: 1-7 : ലോകത്തോടുള്ള മൈത്രി ദൈവത്തോടുള്ള ശത്രുത

 നിങ്ങളുടെ ഇടയിലെ തര്‍ക്കങ്ങള്‍ എവിടെനിന്ന്? ഏറ്റുമുട്ടലുകള്‍ എവിടെനിന്ന്? നിങ്ങളുടെ അവയവങ്ങളില്‍ പോരാടിക്കൊണ്ടിരിക്കുന്ന ഭോഗങ്ങളില്‍നിന്നല്ലേ? നിങ്ങള്‍ മോ ഹിക്കുന്നു, പക്ഷേ, നിങ്ങള്‍ക്കു ലഭിക്കുന്നില്ല. നിങ്ങള്‍ കൊല്ലുകയും അസൂയപ്പെടുകയും ചെയ്യുന്നു. എന്നാല്‍, നിങ്ങള്‍ക്ക് നേടാന്‍ സാധിക്കുന്നില്ല. നിങ്ങള്‍ കലഹിക്കുകയും  യുദ്ധം ചെയ്യുകയും ചെയ്യുന്നു. നിങ്ങള്‍ യാചിക്കുന്നില്ല; അതിനാല്‍ നിങ്ങള്‍ക്കു ലഭിക്കുന്നില്ല. യാചിച്ചിട്ടും നിങ്ങള്‍ക്കു ലഭിക്കുന്നില്ലെങ്കില്‍, തെറ്റായി യാചിക്കുന്നതുകൊണ്ടാ ണ്. എന്തെന്നാല്‍, നിങ്ങളുടെ ഭോഗങ്ങള്‍ക്കുവേണ്ടി ചെലവഴിക്കാനാണ് നിങ്ങള്‍ യാചിക്കുന്നത്. അപഥസഞ്ചാരികളേ, ലോകത്തോടുള്ള മൈത്രി ദൈവത്തോടുള്ള ശത്രുതയാണെന്ന് നിങ്ങള്‍ അറിയുന്നില്ലേ? ലോകത്തിന്‍റെ മിത്രമാകാന്‍ ആഗ്രഹിക്കുന്നവന്‍ തന്നെത്തന്നെ ദൈവത്തിന്‍െറ ശത്രുവാക്കുന്നു. നമ്മില്‍ കുടിയിരുത്തിയ ആത്മാവിനെ അവിടന്ന് അസൂയയോടെ പാര്‍ത്തിരിക്കുന്നു എന്ന ലിഖിതം വൃഥാ ആണെന്ന് നിങ്ങള്‍ വിചാരിക്കുന്നുവോ?  അവിടന്ന് കൂടുതല്‍ കൃപ ചൊരിയുന്നു. അതുകൊണ്ടാണ് ഇങ്ങനെ എഴുതിയിരിക്കുന്നത്: ദൈവം അഹങ്കാരികളെ എതിര്‍ക്കുകയും വിനീതര്‍ക്ക് കൃപ കൊടുക്കുകയും ചെയ്യുന്നു. ആകയാല്‍, ദൈവത്തിനു വിധേയരാകുവിന്‍; പിശാചിനെ ചെറുത്തു നില്ക്കുവിന്‍


Gospel, ലൂക്ക 6: 20-26 : സുവിശേഷഭാഗ്യങ്ങൾ

  ഈശോ തന്‍റെ ശിഷ്യരുടെ നേരേ കണ്ണുകളുയര്‍ത്തി അരുള്‍ചെയ്തു: ദരിദ്രരേ, നിങ്ങള്‍ അനുഗൃഹീതര്‍, എന്തെന്നാല്‍, ദൈവരാജ്യം നിങ്ങളുടേതാകുന്നു. ഇപ്പോള്‍ വിശക്കുന്നവരേ, നിങ്ങള്‍ അനുഗൃഹീതര്‍. എന്തെന്നാല്‍ നിങ്ങള്‍ തൃപ്തരാക്കപ്പെടും. ഇപ്പോള്‍ കരയുന്നവരേ, നിങ്ങള്‍ അനുഗൃഹീതര്‍. എന്തെന്നാല്‍  നിങ്ങള്‍ ചിരിക്കും. മനുഷ്യപുത്രന്‍ നിമിത്തം മനുഷ്യര്‍ നിങ്ങളെ ദ്വേഷിക്കുകയും ഒറ്റപ്പെടുത്തുകയും  അവഹേളിക്കുകയും നിങ്ങളുടെ പേരു ദുഷിച്ചതായി കരുതി പുറന്തള്ളുകയും ചെയ്യുമ്പോള്‍ നിങ്ങള്‍ അനുഗൃഹീതര്‍. ആ ദിവസം നിങ്ങള്‍ സന്തോഷിക്കുകയും കുതിച്ചു ചാടുകയും ചെയ്യുവിന്‍. എന്തെന്നാല്‍ സ്വര്‍ഗത്തില്‍ നിങ്ങളുടെ പ്രതിഫലം വലുത്. അവരുടെ പിതാക്കന്മാര്‍ പ്രവാചകന്മാരോടും ഇപ്രകാരം തന്നെയാണു പ്രവര്‍ത്തിച്ചത്. എന്നാല്‍, സമ്പന്നരേ, നിങ്ങള്‍ക്കു ദുരിതം! എന്തെന്നാല്‍, നിങ്ങളുടെ ആശ്വാസം നിങ്ങള്‍ക്കു ലഭിച്ചു കഴിഞ്ഞു. ഇപ്പോള്‍ സംതൃപ്തരായി കഴിയുന്നവരേ, നിങ്ങള്‍ക്കു ദുരിതം! എന്തെന്നാല്‍  നിങ്ങള്‍ക്കു വിശക്കും. ഇപ്പോള്‍  ചിരിക്കുന്നവരേ, നിങ്ങള്‍ക്കു ദുരിതം! എന്തെന്നാല്‍ നിങ്ങള്‍ വിലപിക്കുകയും കരയുകയും ചെയ്യും. മനുഷ്യരെല്ലാം നിങ്ങളെ പ്രശംസിച്ചു പറയുമ്പോള്‍ നിങ്ങള്‍ക്കു ദുരിതം! എന്തെന്നാല്‍  അവരുടെ  പിതാക്കന്‍മാര്‍ വ്യാജപ്രവാചകന്‍മാരോടും അങ്ങനെതന്നെ ചെയ്തു.


Back to Top

Never miss an update from Syro-Malabar Church