Daily Readings for Wednesday January 22,2020

January 2020
S M T W T F S
   1234
567891011
12131415161718
19202122232425
262728293031 
<< Dec   Feb > >>

Reading 3, 2 കോറി 6: 4-10 : മിശിഹായുടെ വിശ്വസ്ത ദാസര്.

എല്ലാ വിധത്തിലും ദൈവത്തിന്‍െറ ദാസന്‍മാരാണെന്ന് ഞങ്ങള്‍ കാണിക്കുന്നു: വലിയ സഹനശീലത്തില്‍, പീഡകളില്‍, ഞെരുക്കങ്ങളില്‍, വൈഷമ്യങ്ങളില്‍, മര്‍ദനങ്ങളില്‍, തടവില്‍, ലഹളകളില്‍, അധ്വാനങ്ങളില്‍, ജാഗരണത്തില്‍, വിശപ്പില്‍, ശുദ്ധതയില്‍, ജ്ഞാനത്തില്‍, ദീര്‍ഘക്ഷമയില്‍, ദയയില്‍, പരിശുദ്ധാത്മാവില്‍, നിഷ്കളങ്കസ്നേഹത്തില്‍, സത്യസന്ധമായ വാക്കില്‍, ദൈവത്തിന്‍െറ ശക്തിയില്‍, വലത്തുകൈയിലും ഇടത്തുകൈയിലുമുള്ള നീതിമത്കരണത്തിന്‍റെ ആയുധത്തില്‍, മഹത്ത്വത്തിലും അപമാനത്തിലും സത്കീര്‍ത്തിയിലും ദുഷ്കീര്‍ത്തിയിലും. വഞ്ചകരെന്നു കരുതപ്പെടുന്നെങ്കിലും ഞങ്ങള്‍ സത്യസന്ധരാണ്. അറിയപ്പെടാത്തവരെപ്പോലെയാണെങ്കിലും ഞങ്ങള്‍ അറിയപ്പെടുന്നവരാണ്; മരിക്കുന്നവരെപ്പോലെയാണെങ്കിലും, ഇതാ, ഞങ്ങള്‍ ജീവിക്കുന്നു. ശിക്ഷിക്കപ്പെട്ടവരെപ്പോലെയാണെങ്കിലും വധിക്കപ്പെടുന്നില്ല. ദുഃഖിതരെപ്പോലെയാണെങ്കിലും ഞങ്ങള്‍ സദാ സന്തോഷിക്കുന്നു; ദരിദ്രരെപ്പോലെയാണെങ്കിലും അനേകരെ സമ്പന്നരാക്കുന്നു; ഒന്നുമില്ലാത്തവരെപ്പോലെയാണെങ്കിലും എല്ലാം ഉള്ളവരാണ്.


Gospel, ലൂക്ക 3: 15-18 : പരിശുദ്ധാത്മാവിനാലും അഗ്നിയാലും സ്നാനം നല്കുന്നവന്.

15 പ്രതീക്ഷയോടെയിരുന്ന ജനമെല്ലാം ഇവന്‍ തന്നെയോ ക്രിസ്തു എന്നു യോഹന്നാനെപ്പറ്റി ചിന്തിച്ചു തുടങ്ങി.16 യോഹന്നാന്‍ അവരോടു പറഞ്ഞു: ഞാന്‍ ജലം കൊണ്ടു സ്നാനം നല്‍കുന്നു. എന്നാല്‍, എന്നെക്കാള്‍ ശക്തനായ ഒരുവന്‍ വരുന്നു. അവന്‍െറ ചെരിപ്പിന്‍െറ കെട്ട് അഴിക്കാന്‍ പോലും ഞാന്‍ യോഗ്യനല്ല. അവന്‍ പരിശുദ്ധാത്മാവിനാലും അഗ്നിയാലും നിങ്ങള്‍ക്കു സ്നാനം നല്‍കും.17 വീശുമുറം അവന്‍െറ കൈയില്‍ ഉണ്ട്. അവന്‍ കളം വെടിപ്പാക്കി, ഗോതമ്പ് അറപ്പുരയില്‍ ശേഖരിക്കുകയും പതിര് കെടാത്ത തീയില്‍ ദഹിപ്പിക്കുകയും ചെയ്യും.18


Back to Top

Never miss an update from Syro-Malabar Church