Daily Readings for Wednesday July 15,2020

Reading 3, 1കോറി 7:17-24 : വിളിയനുസരിച്ച് ജീവിക്കുക

ഓരോരുത്തര്‍ക്കും കര്‍ത്താവ് നിയോഗിച്ചുകൊടുത്തപോലെ, ഓരോരുത്തരെയും ദൈവം വിളിച്ച പോലെ നടക്കട്ടെ. ഇപ്രകാരം ഞാന്‍ എല്ലാ സഭകളോടും കല്പിക്കുന്നു. പരിച്ഛേദിതന്‍ വിളിക്കപ്പെട്ടാല്‍, അവന്‍ പരിച്ഛേദനത്തിന്‍റെ അടയാളങ്ങള്‍ മാറ്റാതിരിക്കട്ടെ. അപരിച്ഛേദനത്തില്‍ വിളിക്കപ്പെട്ടാല്‍, അവന്‍ പരിച്ഛേദിതനാകാതിരിക്കട്ടെ. പരിച്ഛേദനം ഒന്നുമല്ല. അപരിച്ഛേദന വും ഒന്നുമല്ല. എന്നാല്‍ ദൈവത്തി ന്‍റെ കല്പനയുടെ പാലനമാണ് പ്ര ധാനം. ഓരോരുത്തരും വിളിക്കപ്പെട്ട വിളിയില്‍ത്തന്നെ നിലനില്ക്കട്ടെ. വിളിക്കപ്പെട്ടപ്പോള്‍ നീ അടിമയായിരുന്നുവോ; സാരമില്ല. എന്നാല്‍, സ്വതന്ത്രനാകാന്‍ കഴിയുമെങ്കില്‍ നീ അത് പ്രയോജനപ്പെടുത്തിക്കൊള്ളുക. കാരണം, കര്‍ത്താവില്‍ വിളിക്കപ്പെട്ട അടിമ കര്‍ത്താവില്‍ സ്വതന്ത്രനാണ്. അതുപോലെ, സ്വതന്ത്രനായിരിക്കുമ്പോള്‍ വിളിക്കപ്പെട്ടവന്‍ കര്‍ ത്താവിന്‍റെ അടിമയാണ്. നിങ്ങള്‍ വിലയ്ക്കു വാങ്ങപ്പെട്ടവരാണ്. നി ങ്ങള്‍ മനുഷ്യരുടെ അടിമകളാകരുത്. സഹോദരരേ, ഓരോരുത്തരും ഏതവസ്ഥയില്‍ വിളിക്കപ്പെട്ടുവോ അതില്‍ ദൈവത്തോടൊപ്പം നിലനില്ക്കുവിന്‍.


Gospel, ലൂക്കാ 16:9-17 : ഒരു സമയം രണ്ട് യജമാനډാരെ സേവിക്കുക സാധ്യമല്ല.

ഞാന്‍ നിങ്ങളോടു പറയുന്നു: അധാര്‍മ്മിക മാമോനെക്കൊണ്ട് നിങ്ങള്‍ക്കായി സ്നേഹിതരെ സമ്പാദിച്ചുകൊള്ളുവിന്‍. അത് ഇല്ലാതാകുമ്പോള്‍ അവര്‍ നിങ്ങളെ നിത്യകൂടാരങ്ങളില്‍ സ്വീകരിക്കേണ്ടതിനാണിത്. ചെറിയ കാര്യത്തില്‍ വിശ്വസ്തന്‍ വലിയ കാര്യത്തിലും വിശ്വസ്തനായിരിക്കും. ചെറിയ കാര്യത്തില്‍ അവിശ്വസ്തന്‍ വലിയ കാര്യത്തിലും അവിശ്വസ്തനായിരിക്കും. അധാര്‍മ്മിക മാമോന്‍റെ കാര്യത്തില്‍ വിശ്വസ്തരായിരിക്കുന്നില്ലെങ്കില്‍ യഥാര്‍ത്ഥ ധനം ആരു നിങ്ങളെ വിശ്വസിച്ചേല്പിക്കും? മറ്റൊരുവന്‍റെ കാര്യത്തില്‍ വിശ്വസ്തരല്ലെങ്കില്‍, നിങ്ങള്‍ക്കു സ്വന്തമായവ ആരു നിങ്ങള്‍ക്കു തരും? ഒരു ഭൃത്യന് രണ്ടു യജമാനന്‍മാരെ സേവിക്കാന്‍ സാധിക്കുകയില്ല. കാരണം, ഒന്നുകില്‍ അവന്‍ ഒരുവനെ ദ്വേഷിക്കുകയും മറ്റവനെ സ്നേഹിക്കുകയും ചെയ്യും. അല്ലെങ്കില്‍ ഒരുവനോടു ചേര്‍ന്നു നില്ക്കുകയും മറ്റവനെ നിന്ദിക്കുകയും ചെയ്യും. ദൈവത്തെയും മാമോനെയും ഒന്നിച്ചു സേവിക്കാന്‍ നിങ്ങള്‍ക്കു കഴിയുകയില്ല. പണക്കൊതിയന്‍മാരായ ഫരിസേയര്‍ ഇതെല്ലാം കേട്ടപ്പോള്‍ അവനെ പരിഹസിച്ചു. അവന്‍ അവരോടു പറഞ്ഞു: മനുഷ്യരുടെ മുമ്പില്‍ നിങ്ങള്‍ നിങ്ങളെത്തന്നെ ന്യായീകരിക്കുന്നു. എന്നാല്‍, ദൈവം നിങ്ങളുടെ ഹൃദയങ്ങള്‍ അറിയുന്നു. കാരണം, മനുഷ്യര്‍ക്ക് ഉത്കൃഷ്ടമായത് ദൈവദൃഷ്ടിയില്‍ നികൃഷ്ടമാണ്. നിയമവും പ്രവാചകന്‍മാരും യോഹന്നാന്‍ വരെ ആയിരുന്നു. അതിനുശേഷം, ദൈവരാജ്യം പ്രസംഗിക്കപ്പെടുന്നു. എല്ലാവരും ബലംപ്രയോഗിച്ച് അതില്‍ പ്രവേശിക്കുന്നു. നിയമത്തിലെ ഒരു ?പുള്ളി ഇല്ലാതാകുന്നതിനെക്കാള്‍, ആകാശവും ഭൂമിയും മാറിപ്പോകുന്നതാണ് എളുപ്പം.


Back to Top

Never miss an update from Syro-Malabar Church